Home Minister K.Sapdanga chuan ṭha taka lo dawngsawngin an harsatna leh an thu thlente chu theihtawpa hmalak a tum thu leh hmalak a tum dante lo hrilhin, HM hmalak tumnaah Kuhva Chingtute'n lawmawm an ti hle.

Hachhek bial, Vairengte leh Bilkhawthlir Kuhva chingtute chuan June ni 6, 2024 khan Joint Committee, Vairengte-ah an nei a. An resolution pass zingah June 30, 2024 ralhma ngeia Vairengte leh a chhehvela ramdang aṭanga dan lova kuhva lakluh dahkhawmna Kudam-te thianfai turin sorkar an ngen a. An ngennain awmzia a neih loh chuan aṭul anga hnatlang koha hmalak an tum thu an lo pass tawh a. HM chuan hmalak an tum thu leh District thuneitute nen pawh an sawiho tawh thu Kuhva chingtute hi alo hrilh a ni.

Mizoram Kuhva tharte Certificate of origin pek chhuah dan tur sorkarin a siam thar chu Joint Committee hian kuhva chingtute tan thil harsa leh foreign Kuhva Smuggling do na atana him tawklo leh hman chhunzawm tlaka an ngaih loh thu an thlen.

Dan loa Kuhva ro tawlh chungchanga social activist Vanramchhuangi'n Gauhati High Court, Aizawl Bench a PIL a thehluh chu CBI chhuitir ngei turin ngenna an thehlut bawk.

Mizoram Police check gate-te tun aia rintlak zawka thuam turin an ngen a, Kuhva tawlhruk tihtawp a nih theih nan HM chu chak zawka hma la turin an ngen bawk.